Relax Beauty 豐胸療程呢間野好新，可能因為最近大賣緊廣告？所以都多咗人討論！
連我個好姊妹都話要試Relax Beauty 豐胸療程（因為佢話Relax Beauty 豐胸療程有個item係360蚊起，簡直就係半賣半送啦！）
我同BFF自己起左個朵叫「平胸姊妹花」，明明約好一生一世兩平人，結果呢條女成日忍唔住東試試西試試唔同豐胸療程，好鬼奸，不過如果試左覺得有料到佢都會射比我，叫我都去試試，成日仲可以拎朋友推薦優惠添！好可惜暫時無咩可以拎得出手推薦比大家，通常都係做到第三次，我地覺得無咩料到就無疾而終左......
Relax Beauty 豐胸療程係咩鬼野？
我真心懷疑我個Fd根本唔洗返工，好似每隔5分鐘就去google一次「豐胸療程」，成日返返下工就收到佢sd過黎咩豐胸膏、豐胸乳液同最新豐膜療程個啲，睇到我都忍唔住笑，佢最近話見到間叫Relax Beauty 豐胸療程既，好似好抵玩，叫我同佢一齊去試......
OK啦，姊妹叫到有咩唔OK?
我就當比少少錢同佢去做下Body按摩咋，邊個會估到我地兩個出街既節目唔係買衫High Tea影令相，係齊齊去試新豐胸療程？LOL！因為都係小店關係所以好快就Book到而且有兩位，我全程比佢搞，我個日就淨係無腦跟佢上去做Relax Beauty 豐胸療程就得！
咁上到去Relax Beauty發現真係小店，雖然地方細細但都好骨緻、好企理，個佈置好少女其實仲有啲似cafe添哈哈哈，咁我諗Relax Beauty嘅staff其實都唔多，好快就接待我地一齊坐低傾下偈，個氣氛其實都幾nice幾輕鬆下......
咁我同我姊妹當然七嘴八舌講左自己係平胸，買左好多聲稱會爆乳既豐胸網紅產品試，又試過唔少療程但都無咩用，所以就上黎試下佢地宣稱個「Relax Beauty 獨門豐胸手法」，因為佢地號稱1次Relax Beauty 豐胸療程立即見效呀嘛......
先知原來360蚊只係做疏通乳腺，另外兩個(光學？射頻？超聲波？）既Relax Beauty 豐胸療程係唔包既，咁顧問當然就有極力說服我地兩個加錢做埋後面兩個items，但咁樣一加埋就要千三以上（呢個仲係試做價但好似會有折再抵啲）咁我地梗係唔制啦......
雖然Staff係好nice，但係第一次上黎唔知頭唔知路，所以都唔做咁貴住，但佢地都講得好岩，淨係用微生物電流疏通乳腺其實都無咩野睇到，我們上去都係想豐胸既？無咩理由通下淋巴就走？所以我地就揀左疏通乳腺 ＋ 一個叫提升彈性既療程(好似係超聲波?我無問到好實在，佢都無講得好清楚）
試做Relax Beauty 豐胸療程啦！
我同姊妹分開兩間房就安排姐姐幫我地開始做！
攤上床之後除左上衫，姐姐同我傾兩句之後掀開張被就開始做啦！姐姐都有解釋佢地拎住三個鐵頭球球好似樂器咁既野，係三極波頻，我懷疑就係生物微電流？因為個啲鐵波接觸肌膚之後會震、而且又會feel到皮膚有少少痺痺地......
我好難形容個感覺，唔係好舒服又唔係唔舒服，姐姐繞住我對波轉左幾下，比我適應下個感覺先，然後就開始黎料——佢話要幫我通淋巴，於是我就舉起雙手更加方便佢搞我腋下啦，然後姐姐就用對三個鐵波頭戳落去推，戳、落、去、推！
我平時算係忍到痛架，不過真係好耐無做任何豐胸療程(一般豐胸療程一開始都會話係淋巴堵塞所以通下淋巴先），又好耐無自己沖涼後用豐胸乳液個啲推下，因為我懶......所以腋下同胸部肌肉都變得比較僵硬！
阿姐姐一推落黎個下真係舒服曬，我痛到眼都反左反，係咁叫佢細力啲、細力啲！不過姐姐就話如果太細力係無咩通淋巴、通乳腺效果喎，所以都堅持己見.....我之後都無咩點出聲，好專心忍痛，不過我純粹心諗，我今次黎間Relax Beauty係科學為本、係有技術架嘛？即係佢用緊部機其實係生物微電流又唔係撥筋棒，其實係唔需要用啲鐵波咁質落黎既......
可能姐姐見我一直無講野淨係忍，塊面又好嚴肅咁，之後再推左大概3分鐘度就放過我，又開始輕輕繞住對波轉圈，我先鬆左一口氣，但我諗今晚返去沖涼，掂一掂胸部周圍啲皮膚都痛，希望唔好瘀左啦.....（因為我做得多豐胸療程，對呢啲通淋巴通到瘀係好有經驗）
做完Relax Beauty 豐胸療程通乳腺之後就開始做提升彈性個個（好似係射頻？），不過姐姐就邊set機邊游說我再加少少錢去試做豐胸升Cup（其實都唔少錢呀姐姐，試做價六百幾呀），佢話重點係激活細胞增加膠原蛋白，佢話如果我唔做最後一個step，其實開通左乳腺、又通左淋巴都無咩用，因為最後都無令胸部吸收能量去豐胸升Cup，咁就會晒左囉，有少少白費功夫咁......
佢話我試下就知道最後Step幾堅，同埋Relax Beauty 豐胸三部曲做曬先真正到最靚個效果架！
其實我真係無諗住買最後個豐胸升Cup step，我諗佢擺到最後又最貴都係想哄人買埋，畢竟上得去其實都係想豐胸升cup，我諗都無咩人係想「提升胸部彈性」呱？
我亂咁敷衍應和佢嗯嗯嗯嗯，一邊諗唔知個衰婆有無比人說服到買豐胸個part呢？
姐姐見我反應冷淡都無咩點再sell，而做呢個「熱點擴散技術」提升胸部彈性個療程都算耐心細心呀，而且機頭溫溫地、皮膚都溫溫地我覺得幾舒服，雖然係試做但其實feel到係做全套，都岩既，因為如果新客上去試做無效果都唔會返轉頭買，所以其實我試過好多間試做都非常用心......
話咁快大概半個鐘倒就做完Relax Beauty 豐胸療程！
跟住抹走胸上面既gel就可以出去坐等簽走！一做完之後係覺得反而肩頸放鬆左，而胸部感覺都係熱熱地、漲漲地，咁始終岩岩做完療程啦，如果而家照鏡肯定會見到對波漲左少少，我覺得呢啲就無謂信，除非呢個效果可以keep到一星期以上先好似/應該/可能係會last得比較耐......
出到去等左幾分鐘，我姊妹就出左黎，原來佢都無買最後個豐胸升Cup療程！顧問比我地俾錢、簽走個時都仲係有啲可惜，話如果可以做齊Relax Beauty 豐胸療程成套先見到最靚個效果，因為最後一個step先係最最精準有用架(係，我知，亦都係最貴呢)。
不過都OK無Hardsell，我姊妹之後就走左去hightea，Yeah！
唔好話一星期，其實第三日已經無野睇到......
真心懷疑我同BFF去試咁多豐胸療程只不過放鬆左腋下同肩頸，同埋做胸部皮膚護理......
有好多人覺得我係美容乞丐，不過邊個又知我背後既辛酸？每次試豐胸到最後只係增進左肩頸健康，唔通我唔洗比幾舊水咩？我心裡面都滴緊血！
不出所料，雖然Relax Beauty店仔細細又似良心小店，顧問同姐姐都幾認真幾nice，但係做完佢地個豐胸療程真心覺得無咩料到......
唔好話要觀察一星期，事實上三日已經無咩野睇，感覺胸底皮膚係緊緻左挺左，所以側邊睇個胸係挺左少少，不過都唔係話特別失望，一黎都慣左、二黎就係當做左上半身按摩，都ok既其實，只不過用除去法去刪走市面上對我地黎講無用既豐胸療程.....
New Beauty B6升級豐胸療程又點呢？
估唔到我隨手寫既分享文會有人睇同埋有人DＭ我，問我New Beauty B6升級豐胸無試過，覺得點？
係咁既，我同姊妹都無試過New Beauty B6升級豐胸，原因無他，佢廣告打得太勁，我地太驚上到去之後走唔到會被hardsell！
不過見有人迴響有人追睇又有人DM我地問到，我地都慷慨就義啦咁！於是我就快快趣趣一口氣幫佢Book埋大家一齊上去！又有jm問究竟我地兩個咩cup數，我哋兩個都係B，其實如果可以去到C我地都覺得好夠用！
揀左New Beauty旺角店既就我又就佢，中間點其實都幾方便（呢個就係大型連鎖店既好處）咁當然New Beauty環境就一定係貴婦級，無敵大海景同勁多人招呼你個啲啦（不過New Beauty係免費試做既)，Check in之後就有姐姐過黎問你飲唔飲野呀，飲啲咩野，咁就賺左杯野飲，哈哈計劃通！
填完資料之後比我想像中快就可以入房，我地同顧問講我地一齊架可唔可以一齊聽，顧問都好nice話無問題ar。咁講黎講去都係個啲野啦，想升到咩cup呀？平日有無做胸部護理呀個啲，而我地兩個都係基因遺傳平胸架......同埋我之前有段時間瘋狂健身，搞到對波更加細......
分開兩間房去度身紀錄之後就可以攤上床開始試做.....
治療師會就住我胸形大細去揀配對既豐胸儀器，我聽佢地介紹就係刺激豐胸相關穴位同時按摩既......豐胸人手按摩同通淋巴我就試得好多，用儀器去按摩刺激豐胸穴位就係第一次試，全程都覺得痕痕地、暖暖地，仲有穴位被刺激個種痺痺地、刺刺地，唔知你地明唔明我講咩，不過因為全程戳弄胸既穴位位置都比較有感覺，所以我就都幾難瞓得著(都係好事黎既，代表個療程真係有料到）
做左大概20分鐘度？治療師就會入黎拆左個儀器機頭，然後幫我按摩兩下，因為人手按摩唔係佢地重點，所以感覺其實都幾敷衍LOL哈哈哈哈哈
無咩野既話就可以直接換衫出去簽走，我出左去行幾步就被顧問捉返入房，跟住見到我姊妹都係房入面坐，跟手我地對望一眼，好戲開場！
New Beauty B6升級豐胸療程 顧問有無Hardsell？有少少既......
顧問自然就講New Beauty B6升級豐胸療程前後對比有幾好幾好啦、之後仲會有咩咩咩效果（基本就係膠原蛋白增生之類），持續做幾次呢就包保升1 Cup之類......呢啲套路真係聽過好多次，所以我地都嗯嗯嗯嗯應左就算，總之都係個句，返去睇左work 唔 work先買啦！
New Beauty B6升級豐胸療程 我覺得有料到買左，姊妹就話再睇真啲先！
其實返去沖涼前後仔細照鏡我係覺得大左，不過其實療程做完返去個晚多少都會，所以我都無咩放上心，但都有日日沖涼去留意既......
過左大概一星期之後我覺得佢無之前岩岩做完咁大，不過都仲keep到，好似真係升左小小......而且胸型都係挺左，我影側身相比我姊妹睇，佢都認同，我諗黎諗去都有小小想買幾次試真佢，我姊妹就叫我諗真啲呀，可能係霎眼嬌呢.....
於是我再諗左一星期，睇黎睇去都覺得好似大左小小咁，所以我就決定去買幾次試真佢，睇下關唔關佢事！反正我唔買幾次療程我都係用同樣錢去試做其他公司嘅豐胸療程架啦！
至於我姊妹，佢梗係好醒啦，佢話既然我買既話佢就唔買，可以認真睇下我做完有結果先，如果我做完4次之後真係有料到既話佢先話跟機喎！
我擺係link係度比所有平胸姊妹參考呀！
等我做完真金白銀買既New Beauty B6升級豐胸既Report啦，希望試左咁多間終於搵到一間係真正可以升級豐胸啦！
留言列表
