各位女仔唔好以為甩頭髮呢啲事只會發生係男人身上，如果你唔注意頭皮同頭髮健康嘅話，毛囊終有一日都會變差，之後甩頭髮就會隨之而發生……唔想甩到頭髮稀疏嘅話，就一定要趁早護理頭皮健康~
好多人所諗嘅頭皮、頭髮護理，不外乎都係洗頭個陣用吓護髮素，有時間嘅就用埋護髮膜、髮尾油，有啲有時間、有錢嘅，仲會定期去salon做吓hair spa、焗油treatment，不過一味靠個「潤」字，係咪真係對頭皮最好？如果我話，「潤」過頭其實都會甩頭髮，你又信唔信？
與其係屋企「盲中中」咁亂用護髮素、焗油，倒不如出去正正經經咁搵人幫手啦，我講緊嘅就係而家幾乎通街都係嘅生髮中心呀~
其實而家好多所謂嘅生髮療程，唔只得「生髮」呢個功能，好多時仲會幫你護養埋頭皮健康，令毛囊更加有活力！所以千祈唔好等甩頭髮出現個陣先至去諗辦法處理，及早預防脫髮出現，絕對比起有事個陣先去醫，效果會好勁多！
正因為咁，我一直都有去唔同嘅生髮中心做吓頭皮護養、生髮護髮、毛囊激活、深層清潔之類嘅療程，試過唔少嘅生髮中心之後，我整理咗2間，我覺得最值得推薦俾大家試試嘅，同時都同大家講吓我嘅心得，有興趣嘅就繼續睇落去啦~
推薦生髮中心：Perfect Hair
推薦生髮療程：F8 生髮療程
第一間我真心推薦嘅生髮中心，就係Perfect Hair，可能都有唔少朋友仔係佢地到做過生髮療程~Perfect Hair最皇牌嘅F8生髮療程可以話係「街知巷聞」，我相信除咗係因為過程方便之外，仲有Perfect Hair提供免費試做添！
冇錯！生髮療程都可以免費試做架！以我做過咁多間生髮療程嚟講，真係好少數好似Perfect Hair咁，可以免費俾你試做一次，一係只係得個免費頭皮檢測，一係就要你俾少少錢出嚟先有得做生髮療程，好似Perfect Hair咁可以俾你先試一試嘅，真心唔係得幾多……
講返Perfect Hair先，佢地嘅皇牌F8生髮療程，係用咗軟激光生髮技術，透過對頭皮同毛囊發射軟激光，激活毛囊同毛乳頭細胞，令頭皮增加血液循環，自然頭髮同毛囊就可以吸收到多啲營養，頭髮都會生得快啲啦~
除咗生髮之外，F8生髮療程仲有護養頭皮嘅功效，因為療程當中會用到世界級嘅生髮精華，唔只可以促進頭髮生長之外，仲可以平衡返頭皮嘅油脂分泌，減少過多頭油，令毛囊堵塞嘅問題減少，改善因為頭油太多而令頭皮唔健康嘅情況~
不過講再多都係廢話，講明生髮療程，最緊要嘅當然係個效果啦！當時我第一次係登記咗Perfect Hair嘅F8生髮療程免費試做，做完之後個兩日，好明顯覺得頭油少咗，就算朝早瞓醒起身，冇洗頭都唔會有好油笠笠嘅感覺，加上出完成日街，好多時都會頭頂油笠笠，啲前蔭變到好似barcode咁……不過做完F8生髮療程之後，呢個情況減少咗好多！效果都keep到一個星期架！
後來我就join咗一共10次嘅Perfect Hair F8生髮療程，每個星期做一次，做到一半個陣，已經見到頭油問題基本上改善咗9成，出完成日街之後，唔會再有頭頂、頭髮油笠笠嘅問題，成個頭皮覺得乾爽咗好多！當做曬10次F8生髮療程之後，除咗頭油嘅問題之外，仲見到頭頂分界線生咗好多BB毛出嚟，which係我之前冇預期過會有嘅效果！
講完療程效果，我諗仲有好多人都想知Perfect Hair嘅服務質素，始終同普通做facial一樣，冇人想「貼錢買難受」架嘛……不過呢一點，大家就可以放100個心，因為我去過咁多次Perfect Hair，佢地嘅服務態度都係好好，由第一次我去Perfect Hair試做開始，Perfect Hair嘅職員一啲都唔會hard sell，真係會根據返你嘅需要同情況，去建議你用咩療程~當然，我做曬10次F8生髮療程之後冇再繼續，個時Perfect Hair嘅職員都冇chur我繼續買~
唔爭在講埋價錢俾大家知，Perfect Hair F8生髮療程嘅性價比真係極高，total 10次嘅F8生髮療程，竟然只係要$2,888！比起坊間好多生髮中心嘅生髮療程真心平勁多，講真，出面閒閒地都要過萬蚊先會有10次生髮療程……
真心講句，我好建議大家買任何療程之前，都一定要去試做一次先，試清試楚，睇吓個效果係點、間生髮中心服務質素好唔好、產品夾唔夾自己等等，之後先至真金白銀俾錢買療程，所以呢，唔好話我唔益大家呀，大家click入下面條link，就可以輕鬆登記到Perfect Hair嘅F8生髮療程架啦~試過之後就知道有幾正！
推薦生髮中心：Oasis Hair Spa
推薦生髮療程：全方位頭皮及髮絲激活再生療程
除咗Perfec Hair之外，我都仲有第二個生髮療程推薦俾大家架~呢一個雖然我覺得性價比冇Perfect Hair咁高，但係都有值得推薦嘅地方，想知道係咩療程呢，就要繼續睇落去啦~
大家可能以為Oasis淨係有得做facial，但其實佢地嘅Oasis Hair Spa都有提供生髮、護髮療程架！之前我就係朋友介紹之下，去咗Oasis Hair Spa試一試，不過就唔係好似Perfect Hair咁完全免費，試做一次嘅價錢要$280，雖然唔係好貴，但同Perfect Hair就「有比較，有傷害」囉……
係Oasis Hair Spa試做嘅過程我覺得都幾得意，因為本身我淨係約咗時間，但係就冇指定想做咩生髮療程……去到Oasis Hair Spa我先知，原本佢地會係做完頭皮檢測之後，再根據你嘅頭皮狀況，建議返適合你嘅生髮療程~有時自己揀嘅未必係最好、最啱自己，呢個部分就可以確保大家做緊最啱自己嘅生髮療程啦！
Oasis Hair Spa嘅全方位頭皮及髮絲激活再生療程大致分咗做兩部分，首先用超聲波技術，幫頭皮深層清潔，清走頭皮同毛囊出口嘅污垢，令頭皮可以「暢快咁呼吸」，加埋遠紅外線促進頭皮血液循環，呢part都幾舒服！最後會用埋唔同嘅光療照射頭皮，照完之後覺得個頭皮真係鬆咗啲！冇再好似以前咁緊張嘅感覺~
至於個效果方面，做完Oasis Hair Spa嘅全方位頭皮及髮絲激活再生療程係會睇到即時效果，因為Oasis Hair Spa嘅職員會幫你照多一次頭皮，咁真係好明顯見到毛囊同頭皮中間啲污垢係清走咗好多，摸上去都覺得頭皮唔痴笠笠，頭頂啲頭髮都蓬鬆咗唔少~
不過Oasis Hair Spa呢個全方位頭皮及髮絲激活再生療程係唔係真係可以生到頭髮呢？咁我就唔係好清楚啦，因為我只係試做咗$280呢一次，或者你會問，點解你又推薦Oasis Hair Spa？
以我去試做嘅經驗嚟講，Oasis Hair Spa嘅服務真心唔錯，而且做完之後，頭皮深層清潔個效果又真係幾好喎，雖然長遠嘅生髮效果好唔好我睇唔到，不過如果每隔一排都去做一做頭皮深層清潔，Oasis Hair Spa呢個全方位頭皮及髮絲激活再生療程都不失為一個好選擇架~
如果大家對Oasis Hair Spa嘅生髮療程都有興趣嘅話，都可以去佢地官網睇吓嘅，不過如果要我係Perfect Hair同Oasis Hair Spa之間揀一個最值得做嘅生髮療程，我就會揀F8生髮療程，因為效果好、性價比高、服務質素好，真心建議有頭皮健康問題、脫髮問題嘅朋友仔去試一試！
留言列表
