唔係講笑，我3歲起就有眼袋！真係眼袋精！
睇返以前細個屋企相薄既相，唔係電子相呀！沖曬出黎既相！（暴露年紀系列）已經見到我幾歲人仔個已經又黑眼圈又眼袋，熊貓眼勁深唔知發生咩事......我上網睇話呢啲係骨相既先天性遺傳，所以淨係可以講我抽中下下籤......
總之，關於話可以改善黑眼圈同眼袋既product我幾乎都試過曬，會買咩美容儀同好貴既眼霜......不過再貴都貴唔過去做眼袋槍！真係年中都有唔少人同我講話眼袋槍係堅有效，話就算做一次都有效，叫我去試下啦......我又係窮底，唔敢洗大錢.....又驚俾左好多錢都無效又驚比人Hardsell......
不過最近姊妹話結婚叫我去做伴娘！
呢個都係我去試眼袋槍既契機，因為我驚化妝師用幾多遮瑕膏都遮唔住我對驚天大黑眼圈，一用得太白又好顯眼袋大哈哈哈哈......係呀我對眼真係咁麻煩！
好啦唔再廢話，總之我第一間就梗係試有免費試做既，唔洗錢試岩先買！
-
我去Perfect Medical 免費試 R6 包去眼袋療程，去到唔係做R6既喂！
相信Perfect Medical大家都聽過，佢地好盞鬼，好多免費試做既療程都係用英數字區分，好似比較成日聽既就係S6同R6，S6就係減肥啦，成日上網都有廣告有KOL同明星仔嘈住曬話要買S6、買S6／S6真係咁勁？／哇10日減10磅？矛錯，就係個間啦哈哈哈！
懷疑我之前點過或者搜過Perfect Medical減肥療程所以佢地係咁啄住我唔放，不過我其實對R6去眼袋療程個需求更加大！
Perfect Medical官網預約好快好方便，而有Staff好快就打黎confirm你時間地點，都好nice好pro咁，不過上到去先會見真章！
老老實實，第一次自己上去大美容院試做免費療程其實都有啲淆底，唔知頭唔知路又驚比人sell到走唔到，我淨係識唔帶信用卡上去咋，淨係帶左少量現金囉......不過好彩完全唔似我想像中咁恐怖，可能先禮後兵哈哈哈
上到去Perfect Medical check in之後飲熱花茶飲到一半就有顧問帶我入房傾，我上網睇過，知道通常都會有個皮膚分析會做，咁做完出黎效果都麻麻啦，就係眼部皮膚鬆弛、缺水而且勁多乾紋細紋......
Perfect Medical顧問話我咁後生，眼底皮膚唔應該咁差喎陰公，應該係天生面骨令皮眼底膚下陷左又有眼袋，又問我平時會做咩眼部護理.....總之個氣氛其實都唔錯，無我想像中咁hardsell！
跟住佢地話免費做呢個R6去眼袋療程雖然好，但我既問題有啲嚴重所以未必夠力架，於是佢地就幫我Upgrade左去做個更加勁既眼袋槍好似叫i-genius 眼袋槍，話技術同功效都會更加好、對我更加有效，畢竟i-genius 眼袋槍同R6個價錢唔一樣，重點黎啦！佢地話係免費幫我升級架！
哈哈哈哈有賺！
我心裡面都有啲興奮，一邊用手提上網睇下升級個眼部療程究竟係咩黎，一邊就攤係床上面等治療師過黎。我睇到話R6去眼袋療程主要就係用單極射頻、而 I- Genius 呢個就係超聲波+射頻，所以其實係同時(或者前後分開?)用左兩個唔同技術架，所以就會比單用一個技術更加勁！
治療師到左之後感覺都幾nice，每個step都會同我解釋同我講，我基本就係訓落張床就嗯嗯嗯嗯咁應佢就得，咁卸妝洗面之後就開始進行療程！
I- Genius眼袋槍過程係點？ I- Genius 眼袋槍好唔好？
I- Genius 眼袋槍療程其實就係用機頭喺眼周位轉黎轉去，不過唔會接觸到皮膚既，過程就係會有啲熱熱地、暖暖地，好舒服，其實我都唔係太搞得清楚究竟幾時用射頻、幾時用超聲波架，不過用超聲波既時候應該會再嘈少少！？
治療師好細心圍住眼周轉左幾轉，好似每個技術都轉左2圈？我之後都無數到，總之就係我覺得眼周好熱好熱既時候就完左啦個眼部療程。
Perfect Medical I- Genius 眼袋槍效果好唔好？我會推薦比人！
我覺得都OK呀其實！首先過程都幾舒服，而且都轉左眼周好多圈！治療師遞塊鏡比我睇既時候已經見到好大分別，首先眼皮就無曬水腫浮腫、現返對雙眼皮，左右眼咁先對稱返，而且個眼袋都縮細好多，黑眼圈都好淡......其實我都好Shock，因為我覺得效果真係好明顯！
唔怪得之我好多朋友都叫我去做眼袋槍啦！真係同眼袋槍相逢恨晚！
個陣時已經瘋狂心動，跟住就再返去同顧問傾，我地兩個其實就一直係度讚個療程效果幾好幾好幾好......其實之後既事都唔洗估啦，我就立即一眼都無再望個R6去眼袋療程。
我用比較優惠(比起市價算平左同埋都好合理)去買10次 I- Genius 眼袋槍療程，因為效果好好所以我都唔洗佢點sell就買左啦！
-
Oasis 膠原電眼槍 $388 2合1療程（但記住要網上比左100蚊先呀！)
人都係貪心既生物！尤其係女人！知道咗原來眼袋槍對我個大眼袋、黑眼圈咁有效之後，我就成日上網search有無其他膠原眼袋槍療程......
見到Oasis有膠原電眼槍體驗，就心思思去試，我係一個有plan在身既女人，短時間唔會再買Plan，我純粹就係想感受下「出軌」既快樂！
留意返，Oasis個膠原電眼槍2合1療程個玩法係，「膠原電眼槍 X PLASONIC 等離子嫩膚破天荒2合1療程首次體驗優惠」，眼加面係一個組合，然後你要網上比左100蚊訂金先，去到再比288，如果你唔網上落訂金比錢先，上到去要比588！注意返呀Jm！
對眼袋精黎講，咁388可以試足膠原電眼槍兩個療程又何樂而不為呢？
我上網俾完訂金、約好埋時間就好期待咁上左去，但其實Oasis個膠原電眼槍體驗都有啲麻麻，首先因為海港城間Oasis店仔細細，比我想像中真係好細呀，連個大堂都淨係擺到兩組沙發仔咋，不過好彩入到去好似唱K咁都幾多房......
入房之後又完全係無窗既封閉式房，望唔到海景，雖然我做療程其實都攤床，閉眼做膠原電眼槍，個窗望咩都無用啦......不過都係有少少失望......
而且Oasis顧問同治療師真係雙打拍檔，由頭Hardsell到尾完全無時間比我抖抖，一路夾擊我，雖然我預左比人sell，但無諗過咁誇張，因為由我入房同顧問傾開始(佢地無做咩皮膚檢測)全程用肉眼黎睇我皮膚有咩問題，就全方位攻擊我對眼同皮膚......
其實我對自己皮膚都OK有自信，但都比Oasis佢地講到一文不值，好似下秒就會甩落黎咁，其實呢種Body Shame聽上去都幾好笑同幾老土......
佢地有放我去做曬膠原電眼槍 2合1療程既，膠原電眼槍個療程原理係磁頻同磁力脈衝仲有多極射頻，其實我唔係太清楚磁頻同超聲波有咩分別，不過多極射頻好明顯係「膽」，所以我見到Oasis膠原電眼槍有多極射頻就覺得OK……
塊臉做等離子都好似用緊微電流導入，我諗可能都係差唔多野？都係個啲緊緻同為肌膚補濕喇~2個療程過程係舒服既，好似都無咩點Hea做，但Oasis治療師就真係講到唔停嘴，搞到我邊做又要係咁應和佢其實都幾煩......想瞇眼抖陣都唔得。
出到去見顧問，睇下前後對比係見到有野睇，眼周同成塊面既輪廓都提升左、firm左，做完膠原電眼槍係黑眼圈淡左，同埋眼皮消左水腫囉。
不過就算個Oasis膠原電眼槍療程有效，我聽完個價錢(嚇到我以為自己聽錯)同佢地太Hardsell既態度都係決定不了.....不了，Just No。Nah。
反正我之前已經買左Perfect Medical 個 I- Genius 眼袋槍療程，都係做完曬先再睇邊間好啲，到時先再轉場啦！如果想知有咩技術可以改善我個萬年黑眼圈同眼袋，可以click入去睇下資料架！
留言列表
